فاجئ الفنان محمد رمضان، مشاهدي برنامج مدفع رمضان باستضافة إبراهيم شيكا لاعب الزمالك السابق، عبر مكالمة فيديو أثناء تواجده في المستشفى لتلقي العلاج، ويستعرض موقع تحيا مصر التفاصيل.

محمد رمضان وإبراهيم شيكا

وقال محمد رمضان لإبراهيم شيكا، كلنا بندعمك وعجيلك أفطر معاك في يوم وكلما بندعمك وإن شاء الله هتقوم بالسلامة.

ورد إبراهيم شيكا على محمد رمضان وقال، أنا مستنيك في أي وقت تجيلي المستشفى وممكن وقتها أكون كويس وأخرج معاك من المستشفى ونمشي مع بعض.

وقال محمد رمضان، ثقة في الله هتخف وهتكون كويس ولازم يكون عندك ثقة في الله، وبرنامج مدفع رمضان عن طريق الشركة المتحدة مقدملك هدية بسيطة مش هنقول عليها ودي أقل حاجة نقدر نقدمهالك وواجب علينا.

ورد إبراهيم شيكا وقال، بشكرك على دعمك وأنا راضي بكل حاجة وبقول الحمد لله دايما.

سؤال مسابقة برنامج مدفع رمضان الحلقة 15

شهدت الحلقة 15 من برنامج مدفع رمضان العديد من الأحداث والمواقف الطريفة كما اعتاد الجمهور من حلقات برنامج مدفع رمضان، وكالمعتاد طرح محمد رمضان مع نهاية الحلقة سؤال مسابقة برنامج مدفع رمضان الحلقة 15 وجاء كالتالي: "كام مرة انهاردة قولت كلمة اسمك ايه والأخيرة اللي قولتها محسوبة"، وبدأ الجمهور يعيد عرض الحلقة ومنهم من أرسل الإجابة سريعًا أملا في أن يكون بين الفائزين في الحلقة القادمة من برنامج مدفع رمضان.