كشفت إمساكية شهر رمضان للعام الهجري 1446 عن موعد أذان المغرب والإفطار في اليوم الـ15 من أيام الشهر الكريم، الذي يوافق 14 من مارس 2025.

وحسب الإمساكية، يحين أذان الفجر في اليوم الـ15 من شهر رمضان في تمام الساعة 4:38 - الظهر 12:04 - العصر 3:29 - المغرب 6:03 - العشاء 7:21.

نصيحة من دار الإفتاء

ونصحت دار الإفتاء المصرية، بعدم تناول كميات كبيرة من الطعام في وجبة الإفطار خلال شهر رمضان الكريم، إذ إن ذلك يؤدي إلى الخمول والتكاسل عن أداء العبادة، وصلاة التراويح.

وأوضحت دار الإفتاء، أنه يجب على المسلم أن يوازن بين العبادة والعمل، فلا يسرف في قيام الليل ثم يذهب إلى العمل صباحًا مجهدًا، ولا يؤدي عمله على الوجه الأكمل فيضيع بذلك مصالح الناس.

رسالة من وزارة الأوقاف

وجهت وزارة الأوقاف رسالة مهمة للمواطنين في شهر رمضان، من أجل زيادة الاختلاط والتقارب الأسري، وعدم الانشغال بالهاتف المحمول ومواقع التواصل الاجتماعي.

وذكرت وزارة الأوقاف عبر حسابها على موقع «فيسبوك»: «سيب تليفونك واقعد مع أهلك شوية!.. في الزمن ده، السوشيال ميديا والموبايلات خدت جزء كبير من وقتنا، لدرجة إننا بقينا قاعدين مع أهلنا بالجسد لكن العقل في عالم تاني.. رمضان فرصة إننا نرجّع الدفء لعيلتنا ونخصص وقت حقيقي معاهم، بعيد عن الشاشات.. اللحظات دي هي اللي بتخلينا نحس بالراحة والسكينة، وهي اللي بتفضل في الذاكرة بعد سنين طويلة».

وتابعت، أن سيدنا النبي ﷺ كان خير قدوة في التعامل مع أهله، كان يشاركهم حياتهم ويهتم بأدق تفاصيلهم، وكان يقول: «خيركم خيركم لأهله، وأنا خيركم لأهلي» (رواه الترمذي)، الرحمة والمودة اللي بنقدمها لأهلنا مش بس بتقوي علاقتنا بيهم، لكنها كمان عبادة نتقرب بيها إلى الله، القرب من الأسرة هو إللي بيبني جيل سويّ، عنده حب ودفء يحميه من قسوة الحياة.

وذكرت وزارة الأوقاف: «الوقت مع العيلة مش لازم يكون طويل، لكن لازم يكون حقيقي، جلسة بسيطة، لعب مع الأولاد، ضحكة صادقة، مشاركة في تلاوة القرآن أو صلاة جماعة، كلها حاجات صغيرة لكن أثرها بيكون كبير في قلوبنا، الأب إللي يسمع لأولاده، والأم إللي تحتضن بناتها، هيكونوا أقرب ليهم من أي حد تاني».

وأضافت: «رمضان مش بس صيام وصلاة، رمضان كمان فرصة لتجديد الحب والتواصل مع أهلنا.. سيب تليفونك، اقعد معاهم، واحضن اللحظات اللي هتفضل معاك العمر كله».