تحدث محمد عبد الوهاب عضو مجلس إدارة الأهلي السابق، عن السر وراء عدم تواجده أو زيارته لمقر النادي، وكذلك بعض الكواليس الخاصة بفريق الكرة، ويستعرض موقع تحيا مصر التفاصيل.

تصريحات محمد عبد الوهاب

قال محمد عبد الوهاب: “النهاردة الأهلي لو كله يشيد بالبطولات في اخر كام سنة في السبع تمن سنين، فدة بسبب ربنا وبعدين المهندس محمود طاهر ومجلسه”.

وتابع: “لما جينا استلمنا الأهلي في 2014 بعدها بـ 48 ساعة اترفع علينا قواضي عشان نمشي ودي كانت سابقة مالهاش محصلتش في الأهلي، اللي كان عليه مديونيات لفريق الكرة أكتر من 100 مليون وشوية لاعيبة ومدربين النشاط الرياضي ليهم أكتر من حاجة وأربعين”.

وأكمل: “النادي كان عليه أكتر من 200 مليون والخزينة فيها 180 ألف جنيه، الكابتن حسن حمدي كان بيقول ربنا يكون في عون اللي هيجي بعدينا هيشيل دة”.

وأضف: “لا أذهب إلى أي فرع من فروع النادي خلال الفترة الأخيرة بسبب تفسير مجلس الإدارة الحالي برئاسة محمود الخطيب، الزيارة على أنها تخطيط مني لخوض الإنتخابات المقبلة”.

سر غياب محمد عبد الوهاب عن الأهلي

وزاد: "حينما أتواجد في أي فرع من فروع الأهلي أتفاجئ بأن "أمن" النادي يتابعني في حركاتي ويرصد خطواتي وأسمعهم يتحدثون في "اللاسلكي" عن جميع تحركاتي لذا قررت عدم الذهاب مُجدداً للنادي منعاً لهذه التصرفات الصغيرة".

وأكد: "لا أتواصل مع أي عضو من المجلس الحالي ، مُعلقاً: "صُغيرين عليا" ، مشيراً إلى أنه لا يتحدث مع محمود الخطيب".

واشار: “الخطيب بيغيّر تليفونه كل 6 أيام أما تليفوني لم يتغيّر منذ 35 عاماً، لكن علاقتي به أنقطعت خلال أخر 7 سنوات، ربما بسبب تواجدي مع المهندس محمود طاهر في الإنتخابات التي خاضها ضد المهندس إبراهيم المعلم”.

وذكر: “أتمنى عودة محمود طاهر لرئاسة الأهلي، أتحدث معه كل فترة في هذا الأمر، لو تواجد هو في الإنتخابات سأخوض إنتخابات الأهلي معه”.

وواصل: “في تأخيرات كتيرة يعني في لاعيبة في النادي زي أكرم توفيق أنا اللي جايبه، إزاي أكرم يستني لغاية آخر وقت ميجددش، من قبليها أنا سيبته لغاية آخر وقت لما جاله عروض كان لازم يجدد من سنة فاتت سنتين فاتت الكلام دة كان بيحصل”.

وأتم محمد عبد الوهاب: “الظاهر تعاقب تغيير مديرين الكرة في حاجات كتيرة، وقعت معاهم في القصة دي ، القصص دي مكانتش بتحصل خالص يعني”.